فراق الاحبه
سلام الله على من كان لي في قربها آمــال
وحالت بيننا الاقدار في اللوح مكتوبـــه
سلام الله عليها عد مــا غيث السماء همــال
وما خّضرت قفار الأرض من غيمات مسكوبه
الا ليت الزمان يعــود وانـــا اقــابلـه بقبــال
واهديله ورود الحب بالقُبلات مصحــوبــــه
نعيد الذكريات اللي قضيناها مزح وهبــال
وننسى وقتنا المشؤوم في لحظات مرغوبه
الا ياوقت مــا ترحم ردي الـحـال والأحــوال
تجمل لو معي مـره ترد الوضع في ثــوبـــه
على متن السحابه شلت احلامي وهي ثقال
ونا ادري بأنـك واقـفــاً ضــدي على كــوبــه
مهي منك شطـاره تمتحني يالزمـن بـهــوال
ولا هي شيمتك اصــلاً تقرب كــل مـحبوبــه
ياليتك مثلما اخذته ترده لي على اية حـــال
تعوضني بشوفه بس لــو ساعات محسوبــه
فرقته والمفارق يـاهلي مـاهـو بلعب عيــــال
لا والله إلا نار في حنايا الـــروح مشبوبـه
احبه والمحبه ثـابته في القلب مــا تنشــــال
لونه راح وابعد مــا بقى إلا غـيــر مـكـتـوبــه
تعليقات
إرسال تعليق